قصیده علی ساتر

على ساتر وطننه الدم صبح مشرور

او على ذلة شعبنه البعض متفقه

ينذل اليريد ايعيش بأمن او طيب

واليحچي الحقيقه ابخير مايبقه

مطروحه الزلم بالماي شي بگبور

و احفاد الرذل بقصور متفرقه

شبان السلف خيّم عليهه ادمان

شنهو ابن العرب ويا البشر فرقه

او ناطور السلف يشمر عنب بهداي

صاح السله ماكو او تمت السرقه

اتلوث ماينه ابچف خبّث الاطباع

خابط و اللطيفه ابيوم ماينقه

اوعلى ضفته النوارس رافّات اجناح

بغروبه الحزن و العيّ ترس شرقه

حاكمنه البطل و الغدر واستهزاء

والحگ بالفجر تم للأسف شنقه

ابمحكمته الرجيم ابعالي صوت ايصيح

تم بيع العروبه او نجحت الصفقه

مهدي ابوحاجات الهليچي

مدونه الشاعر مهدی ابوحاجات الهلیچی...