قصیده هم اجیت

او هم اجيت او ماطل ابروحي شواطئ امن الحزن ..

او لنّي نگعت الطريق ابدمع عيني ..

وانكتم صوت المحنه اوضاعن ابصدك سنيني ..

ياللي عاشرت الهجر هم الك جيه ..؟

يعني هم نيتك تجيني ..؟

غمت اچفوف الوصل گصت الرحيل ..

او صامت اعيونك الشوفي او نست چلمات الخليل ..

الليل طوله ابطول خلگي او فوگ ضلعي امراوح اخيول او صهيل ..

تارس امن اهموم عمري اشگد شليل ..

عيش مثلي ..

عوف كلشي او گوم نمشي ..

اتروح وحدك ماگلتلك ..

ياللي چنت ابعمري كلشي تالي راح اوياك كلشي ..

يا دفو احچاية احبك ..

يا هوا ايلاعب احاسيس السنين ..

واشحرگ دفتر وصالك حتى ظل يهوى الونين ..

ياضحكتي ..

امنين اجتك هل بروده او عالهجر من علّمك ..

انته جنه اشرايك الليله انتصالح حتى اصيرن آدمك ..

او راح اظل انطر وصالك ..

لان ادري الماي يتبخّر لچن تاليته ماي ..

واللي مايعرف الضحكه ايجوز ربه الشفته تارك قسمه ناي .

مهدي ابوحاجات الهليچي

مدونه الشاعر مهدی ابوحاجات الهلیچی...